4

കു​വൈ​റ്റ് സി​റ്റി:  ഗ​ൾ​ഫ് രാ​ജ്യ​ങ്ങ​ളി​ൽ ഭ​ക്ഷ്യ​വ​സ്തു​ക്ക​ളു​ടെ ല​ഭ്യ​ത ഉ​റ​പ്പാ​ക്കാ​ൻ ലു​ലു ഗ്രൂ​പ്പ് ന​ട​ത്തു​ന്ന പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് ചെ​യ​ർ​മാ​ൻ എം.​എ. യൂ​സ​ഫ​ലി പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ധ​രി​പ്പി​ച്ചു. ന്യൂ​ഡ​ൽ​ഹി​യി​ലെ പ്ര​ധാ​ന​മ​ന്ത്രി​യു​ടെ ഔ​ദ്യോ​ഗി​ക വ​സ​തി​യി​ൽ ന​ട​ന്ന കൂ​ടി​ക്കാ​ഴ്ച​യി​ലാ​യി​രു​ന്നു ചർച്ച.

ഗ​ൾ​ഫ് മേ​ഖ​ല​യി​ലെ ഭ​ക്ഷ്യ സു​ര​ക്ഷ​യും ഇ​ന്ത്യ​ൻ ഉ​ത്പ​ന്ന​ങ്ങ​ളു​ടെ ല​ഭ്യ​ത​യും ഉ​റ​പ്പാ​ക്കാ​ൻ ലു​ലു ഗ്രൂ​പ്പ് സ്വീ​ക​രി​ച്ചി​ട്ടു​ള്ള ന​ട​പ​ടി​ക​ൾ യൂ​സ​ഫ​ലി പ്ര​ധാ​ന​മ​ന്ത്രി​യു​മാ​യി പ​ങ്കു​വ​ച്ചു.

ആ​ഗോ​ള​ത​ല​ത്തി​ൽ ച​ര​ക്ക് ഗ​താ​ഗ​തം നേ​രി​ടു​ന്ന പ്ര​തി​സ​ന്ധി​ക​ൾ​ക്കി​ട​യി​ലും വി​ല​ക്ക​യ​റ്റം ത​ട​യാ​നും ഉ​ൽ​പ്പ​ന്ന​ങ്ങ​ളു​ടെ സു​ഗ​മ​മാ​യ ഒ​ഴു​ക്ക് നി​ല​നി​ർ​ത്താ​നും ലു​ലു ഗ്രൂ​പ്പ് ന​ട​ത്തു​ന്ന ഇ​ട​പെ​ട​ലു​ക​ളെ പ്ര​ധാ​ന​മ​ന്ത്രി അ​ഭി​ന​ന്ദി​ച്ചു.

പ്ര​തി​സ​ന്ധി തു​ട​ങ്ങി​യ ശേ​ഷം ഇ​തു​വ​രെ 15,000 ട​ണ്ണി​ല​ധി​കം ഭ​ക്ഷ്യ​വ​സ്തു​ക്ക​ൾ ഇ​ന്ത്യ​യി​ൽ നി​ന്ന് ഗ​ൾ​ഫ് രാ​ജ്യ​ങ്ങ​ളി​ലേ​ക്ക് ലു​ലു ക​യ​റ്റി അ​യ​ച്ചു.

34 പ്ര​ത്യേ​ക ചാ​ർ​ട്ടേ​ഡ് വി​മാ​ന​ങ്ങ​ളാ​ണ് ഇ​തി​നാ​യി സ​ർ​വീ​സ് ന​ട​ത്തി​യ​ത്. വ​രും ദി​വ​സ​ങ്ങ​ളി​ലും കൂ​ടു​ത​ൽ ചാ​ർ​ട്ടേ​ഡ് വി​മാ​ന​ങ്ങ​ളും ച​ര​ക്കു ക​പ്പ​ലു​ക​ളും വ​ഴി വി​ത​ര​ണം തു​ട​രും.

ജി​സിസി രാ​ജ്യ​ങ്ങ​ളി​ലു​ട​നീ​ള​മു​ള്ള 280-ല​ധി​കം ലു​ലു ഹൈ​പ്പ​ർ​മാ​ർ​ക്ക​റ്റു​ക​ൾ വ​ഴി ഉ​ൽ​പ്പ​ന്ന​ങ്ങ​ൾ മാ​ർ​ക്ക​റ്റി​ലെ​ത്തും. ഇ​ന്ത്യ​ൻ ക​ർ​ഷ​ക​ർ​ക്കും ഭ​ക്ഷ്യ​സം​സ്ക​ര​ണ മേ​ഖ​ല​യ്ക്കും ഈ ​നീ​ക്കം വ​ലി​യ സ​ഹാ​യ​മാ​കു​ന്നു​ണ്ട്.

ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ലു​ള്ള ലു​ലു​വി​ന്‍റെ സം​ഭ​ര​ണ-​ക​യ​റ്റു​മ​തി കേ​ന്ദ്ര​ങ്ങ​ൾ പൂ​ർ​ണ​തോ​തി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നും യൂ​സ​ഫ​ലി അ​റി​യി​ച്ചു.

ഇ​ന്ത്യ​ൻ ഉ​ൽ​പന്ന​ങ്ങ​ൾ ഗ​ൾ​ഫി​ലെ സ്വ​ദേ​ശി​ക​ൾ​ക്കും പ്ര​വാ​സി​ക​ൾ​ക്കും ഒ​രു​പോ​ലെ പ്രി​യ​പ്പെ​ട്ട​താ​ണെ​ന്നും ഇ​ത് ഇ​ന്ത്യ​യു​ടെ ക​യ​റ്റു​മ​തി മേ​ഖ​ല​യ്ക്ക് പു​ത്ത​ൻ ഉ​ണ​ർ​വ് ന​ൽ​കു​ന്നു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ക​യ​റ്റു​മ​തി സു​ഗ​മ​മാ​ക്കു​ന്ന​തി​ന് സ​ർ​ക്കാ​രി​ന്‍റെ ഭാ​ഗ​ത്തു​നി​ന്ന് എ​ല്ലാ​വി​ധ പി​ന്തു​ണ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഉ​റ​പ്പു​ന​ൽ​കി.